Despues di algun dia di investigacion autoridad tabata tin bista riba un sospechoso peligroso riba nos isla cu a bin for di Venezuela y mas cu 4 biaha a keda deporta pa ta ilegal riba nos isla. Ultimo lunanan e recherchenan di team woninginbraken tabata tin varios denuncia haci di ladronicia den cas y hasta ora hende ta drumi e homber ta drenta cas sin cu bo lanta.
Video Link:
https://www.facebook.com/masnoticia/videos/2365031146851222/
Diahuebs den oranan di marduga fiscal a duna ordo pa tene entrada hudicial unda e sospechoso ta kedando na cas di persona local, y asina kibra drenta lanta tur hende y detene e homber naci na St Domingo pero cu nacionalidad Venezolano R.S.R di 32 aña conoci como ‘ El Menor ‘. E a wordo sospechoso di a comete ladronicia den casnan vacacional na Aruba. Na juni 2018 el a keda deporta caba despues di a sinta su castigo pa e mesun delito.
Durante e entrada hudicial na e cas na Madiki a detene dos señora arubiano y 4 ilegal den nan homber. Den e cas a haya basta droga y articulonan procedente di ladronicia. Tur esaki a keda confisca hunto cu un auto cu tabata ser usa pa e ladronicianan aki. Ta considera e homber Venezolano sumamente peligroso pa e motibo aki a haci uso di arrestatie team pa detene e sospechoso aki.
Pa Cuerpo Policial por resolve mas caso e cooperacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn: 11141.
Video Link Youtube: