BUENOS AIRES, Argentina- Agentenan di Polis Federal di Argentina a diahuebs a drenta e edificio caminda cu ex presidente Cristina Fernandez su apartamento ta keda. Esaki ta despues cu Senado diaranson a autorisa e entrada hudicial di e propiedadnan solicita pa e hues cu ta hiba e caso di soborno pa obtene contractonan di obra publico durante e gobierno di e ex mandatario.
E operativo grandi aki a keda desplega den e bario di Recoleta, cu varios truck policial, un grupo di efectivonan di siguridad dilanti di e porta di e edificio y personal di brigada di explosivo, bombero y cachonan, segun e agencia AFP.
E votacion den Senado a wordo aproba unanimanente di parti di e 66 senadornan presente den e sesion, incluyendo e mesun Cristina Kirchner. No tabata tin abstencion.