Diabierna mainta recherchenan di atraco team a subi caya pa busca mas sospechoso den e atraco ariba 31 Maart 2017, na Hulpbestuurskantoor Savaneta. Den esaki nomber di un Ambtenaar a cay, G.Croes. Nan a bay bishite na su trabou pero e no tabata t’ey y a bay cas cu e dienstauto. Asina recherchenan acompaña pa k9 unit y mas recherche a tene un entrada hudicial na su cas na Sabania Abou.
Eynan a haya e dienst auto staciona pafo di cas y cu ordo di Fiscal a drenta e cas. Recherchenan a canta bingo, a haya marihuana, cocaina, cosnan pa traha cu e droganan y mas cos posibelmente di ladronicia. A detene e sospechoso y tur cos haya den e cas a keda tuma den beslag. E sospechoso tin cu bay duna cuenta na husticia den kico e ta meti pasobra su auto tabata envolvi den e atraco unda a gara sospechosonan ariba e mes un dia caminda pa Rooi Frances.