Diaranson mainta trempan riba ordo di ministerio publico landsrecherche, rst y Fiscal a haci inval na cas di parlamentario Benny Sevinger na Madiki y na cas di Sra Leoncita Arends cu tabata un presentado di programa na radio y un ex coordinador di ex minister Benny Sevinger esaki tin di haber cu Tereno gate.
E mainta di e entrada hudicial a bay cu varios caha di documento computer pa cu investigacion cu ta andando, esaki ta relaciona con e ortogamento di tereno a bay temporada di AVP. Durante un investigacion di DIP a haya hopi sorpresa mes y departamento forensico di afo a haci un investigacion traha un rapport completo y esaki a keda entrega na gobierno y gobierno na su turno a entrega denuncia na autoridad.
No por menciona cu mas detencion por cay pasobra awor e prome entrada hudicialnan a cay y pronto pueblo por haya sa mas di e caso di tereno gate unda na mas cu un ocasion mandatario a splica cu tabata tin fiesta cu tereno di Aruba.