Boneiro: Riba e vuelo di KLM ku a yega Boneiru un ratu pasá, un delegashon di komo 15 reshèrshi Hulandes. Manera tabata spera despues ku na Hulanda esaki a keda deklará i publiká, a keda konkretisá ku e yegada aki. Hustamente algu promé ku e delegashon aki a pisa tera firme di Boneiru, outoridatnan hudisial di Boneiru, ku yudansa di ekspertonan di Kòrsou i Aruba a kuminsá konkluí nan investigashon den e kaso di asesinato di e agente polisial Ferry Bakx siman pasá.
Tabata awe den oranan mas trempan di atardi, ku e promé entrada hudisial a keda efektuá i un persona detené i tambe un Van konfiská, pendiente investigashonnan den e kaso ku a haña e nòmber di DRUM. No tin nada konkreto di e detenshon aki (ainda), pero tin hopi indikashon ku e grupo investigativo ta verifikando hopi informashonnan ku a yega nan.
Ku e yegada di e reshèrshinan Hulandes por bai spera ku e realisashon di e investigashonnan lo aselerá i ku mas di e kasonan di entrada hudisial i arestonan por keda realisá. Pueblo di Boneiru ta anhelá detenshon di esnan ku a hasi nan mes kulpabel na e kaso aki, ya ku asina por trese e trankilidat bek den komunidat i tur hende lo sa ken e malechornan aki tabata. Lamentablemente ta ku nan a kousa un daño grave na Boneiru di aparensia i su ekonomia (turismo) sin ningun duda.
Cortesia di Boneiruawe.com
