Kontinuando ku investigashon den un kaso ku a tuma lugá den área Cubaweg, polis a realisá tres detenshon.
Esaki ta relashoná ku ladronisia di vehíkulo, kimamentu di vehíkulo, violashon di lei di opio i violashon di lei di arma di kandela.
Djabièrnè mainta dia 26 di aprel 2024, personal di e departamentu ku ta investigá ladronisia di vehíkulo a tene dos entrada hudisial den dos kas den área di Buena Vista i a haña i konfiská artíkulonan ku ta di importansia pa e investigashon.
I despues a detené e hòmbernan Q.C.L. di 23 aña di edat i E.V.S. di 42 aña ámbos nasé na Kòrsou.
Nan detenshon a tuma lugá na un kas den Blanquillaweg.
Alrededor di 14.35’or polis a detené e di tres sospechoso, e hóben J.J.A.M. di 17 aña di edat nasé na Kòrsou.
Detenshon di e hóben aki a tuma lugá na warda di reshèrshi.
A presentá e trio sospechoso dilanti di un fiskal ouksiliar, ku a ordená su enkarselamentu pendiente di mas investigashon.