Willemstad: Djárason 11 di yanüari 2023, alrededor di 12.45’or di merdia personal di Divishon di Krímen Organisá a tene un entrada hudisial na un kas den área di Juan Luis relashoná ku violashon di lei di droga.
Durante di e entrada hudisial a haña i konfiská un plantashon di mariwana i atributonan pa prosesá droga.
Alrededor di 13.20’or polis a detené e hòmber sospechoso Z.M.C., nasé na Kòrsou di 32 aña di edat, pa violashon di lei di droga.
Kontinuando ku e investigashon polis a tene un entrada hudisial na un otro adrès na Mazurcastraat i no a konfiská nada partikular.