HAARLEM, Hulanda – Pa loke ta e entrada di Sinterklaas diasabra awo na Zaanse Schans, esaki ta keda mescos. No tin mester di haci niun cambio. Esaki ta decision di corte na Haarlem den un kort geding, cu a declara e demanda di e fundacion no admisibel.
E kort geding a wordo entama door di stichting Majority Perspective. Esaki a exigi cu e entrada di diasabra mester sin e “caracteristicanan racista”. P.e. Zwarte Piet mester ta sin niun clase di verf na su cara, tampoco e asina yama “roetvegen”.
Segun hues e fundacion a comete algun fout y asina ta tuma e demandantenan di sorpresa. Diabierna 2 di november, e fundacion ta manda un carta cu algun exigencia pa e entrada di Sinterklaas pa e demandantenan. Y esaki nan lo mester duna oido na esaki prome cu 5 di november. Pero algun di e demandantenan a haya te despues di 5 di november.
https://www.facebook.com/nos/videos/300241540829061/
Hues a reclama e fundacion tambe cu, relaciona cu e fiesta di Sinterklaas, nan no a consulta cu e contra partido, entre cual NTR, tocante e cambionan ariba e figura di Zwarte Piet. Esaki ta algo cu si ta ancra den ley. P’esey hues a declara e peticion di e fundacion inadmisibel y no mester trata e caso ‘inhoudelijk’.