E stationship di e Defensa di Caribe Hulandes lo drenta den waf di Oranjestad pa prome biaha, diabierna mainta, 24 di November. Debi cu esaki ta e prome biaha cu e barco aki ta drenta waf di Aruba, su entrada lo ta compaña pa un ceremonia tradicional.
E fragata multiproposito Zr. Ms. Van Speijk di Marina Hulandes, lo drenta Paardenbaai rond di 8 or y 30 di mainta. Na e momento ey, lo saluda e bandera di Reino Hulandes. E saludo aki lo wordo contesta desde e cabo dilanti di e residencia oficial di Gobernador. E prome tiro di saludo coresponde na e bandera di distincion di gobernador lo ta pa 9 or di mainta.
E barco ta 122 meter largo, ta conta cu un tripulacion permanente di mas o menos 160 soldaat. Van Speijk tin un helicopter NH-90 a bordo y ta nabega den nos region como un stationschip desde comienso di November.
Stationsship
Den e siguiente cuater lunanan, Van Speijk lo nabega den Caribe como un stationsschip. Ademas di presencia maritimo y e apoyo den casonan di emergencia, e tarea principal di e fragata ta pa realisa operacionnan anti-droga. E barco lo wordo uza tanto pa e Marina Hulandes, Warda Costa di Caribe Hulandes y Joint Interagency Task Force South, encabesa pa Merca.