Awe famianan y amigonan a hiba Chaim de L’Isle pa su ultimo lugar di sosiego. Manera ta conoci e hoben aki a perde su bida na momento cu el a wordo gedal pa un auto na cruzada di Alhambra. E restonan di e hoben a sali for di Royal Funeral Home na Dakota y a bai kerki Protestant na Piedra Plat. E cortejo funebre a wordo compaña pa amigonan ciclista cu a presenta den gran cantidad cu a haci henter e ceremonia mas emocional. Aruba Wieler Bond a pidi tur su miembronan tambe pa compaña e restonan di Chaim pa su ultimo lugar di sosiego. Na e forma aki Aruba Wieler Bond kier mustra respet pa e fayecido y sosten na e famia. Tambe ta un momento di refleccion y concientisacion di trafico mas sigur pa ciclistanan. E meta di Aruba Wieler Bond ta pa logra un trafico mas sigur pa practica e deporte di ciclismo. For di akinan nos kier manda palabranan di consuelo y profundo condolencia na famianan di Chaim De I’Isle. Cu Chaim sosega na paz.