Tin un departamento di Enseñansa pa Empleo cu pa añanan largo no a haya atencion, pa cual a puntra Minister di Enseñansa kico ta e plannan pa e departamento aki. Sr. drs. Rudy Lampe, minsiter di Enseñansa ta amplia
Tin plannan grandi pa Enseñansa di Empleo unda cu e lo bira un fundacion, e lo bira un otro identidad. E no ta keda solamente Enseñansa pa Empleo, pero tambe un educacion continu. Mas y mas loke UNESCO tambe ta enfatisa cu henter nos bida nos mester keda studia. E ta un enseñansa pa bida. E enfoke ey ta nificia cu ta bay amplia e cantidad di cursonan cu ta bay wordo ofreci. Ta bay amplia tambe cu lo drenta den barionan, cuminsando na San NIcolas lo ofrece cursonan di Enseñansa pa Empleo. Tur esaki, segun e mandatario, ta nifica cu ta den dialogo constante pa loke ta e mercado labor, pa loke wordo ofreci ta klop cu loke ta wordo exigi. E plannan pa e parti aki ta grandi y comunidad lo ripara e beneficionan.
Enseñansa pa Empleo lo wordo amplia y lo bira mas accesibel pa otro barionan, e mandatario a indica. Esey ta un punto hopi importante, pa cual lo hiba e cursonan San Nicolas y otor barionan. Lo bay amplia tur e horarionan, depende di e maestronan cu ta disponibel pa duna les pero tur esey enberdad ta den e loke e proyeccion cu gobierno tin. Unabes cu e ta un fundacion, e tin e posibilidad di loke ta wordo yama, cu lo por haya e ora ey un fluho di placa cu drenta e ora ey, ora cu ta traha cu e sector, ta bay ofrecenan cursonan. E cursonan aki tin un prijs, pero e ora ey e ta wordo paga pa esey. Loke ta e cursistanan cu ta pagando ta bay den e fondo e ora ey, di e fundacion. No manera aworaki, cu e ta bay den e pot general. E ta perde den e pot general, tur locual nan ta contribui. Ta pesey e tin su gran bentaha, cu ora ta un fundacion, ta maneha e fondonan cu ta specificamente pa e cursonan aki y esaki ta duna e oportunidad di amplia e oferta educativo. Te asina leu, e splicacion di mandatario.