Nos no ta un isla di 5 strea paso si wak unda nos enseñanza ta awe ta hopi dificil loke ta pasando den e ultimo añanan aki paso nos enseñansa no ta bon segun Sra. Robin Ann Didder.
Sra. Didder ta un mama soltera pa propio escogencia y ta maestra di scol. Y den su profesion el a wak cu tres ministerio no a haya atencion, cualnan ta Enseñansa, Asuntonan Social y Husticia, y el a elabora ariba e tema di enseñanza.
E ta curioso pa sa cuanto strea enseñansa lo haya, ya cu como maestra e ta ripara cu falta hopi. Tin edificionan ta masha bunita, pero tin algo cu gobierno ta lubidando. E parti di ser hende, e parti pa dedica tempo na nos muchanan como debe ser y nos maestronan. Berdad, a scirbi un rapport di Veilige en Gezonde School, pero con sigur nos scolnan ta? Ta te ora algo sosode ta bin tur hunto kico por a haci. Ta for di ora a firma algo, mester tin tur e condicionnan pa cumpli cun’e. Y p’esey Sra. Didder a dicidi di bula den e stul di chauffeur. Un focus nobo pa enseñansa. Gobierno bin, gobierno bay, mester tin un plan nacional pa bisa locual mester cumpli cun’e, como Arubiano y den Parlamento y den Gobierno ta sigui cun’e y no ta bay cambia esaki.
Sra. Didder a sigui bisa cu formacion di hende ta masha importante y tambe e plan nacional. Pero ora di traha un plan nacional, mester sa ken ta e stakeholdernan, y si nan tin enseñansa na pecho. Pa bo tin enseñansa na pecho, bo mester bay den veld. Y puntra e maestro kico e ta sinti cu mester cambia den educacion.
Tambe el a elabora ariba desaroyo di mucha. Esaki ta cuminsa hopi trempan. Hopi hende ta keriendo cu e dearoyo di un mucha ta cuminsa na scol basico te universidad. Pero no, e desaroyo di un mucha ta cuminsa na cas. E mester ta un hende ehemplar cu mester ta forma parti esencial di comunidad.
Un manera cu gobierno ta kere cu nan por guia un pueblo, nan mester pone nan prioridadnan. Sra. Didder a bay bek na tempo di tram. E scol di Noord ainda no a wordo traha. Ki dia esaki ta wordo traha? Klasnan awo ta mucho grandi. Hacinan mas chikito. esey ta hopi importante. Awo tin un scol cu ta yama Middag Mavo y Avond Mavo. Pa ta sincero, e muchanan aki no ta eynan, paso cu nan no por siña. Hopi di nan t’ey paso nan tin hopi problema social. E tres problemanan, Enseñansa, Asuntonan Social y Husticia mester traha hunto. Y Sra. Didder a bisa cu e ta haya cu e plataforma POR tin expertonan cu mester di dje. Tur mester pone un granito di arena pa loke tin presente y wak pa futuro.
E dinamismo di e partido, nan ta skucha e pueblo y ta skuchando e pueblo bo ta cuminsa di abao bay ariba. No solamente impone un ley. Skucha tur hende y trece cambio. Ta bin cu solucion cu ta bienestar pa tur hende. Pa loke ta enseñansa Sra. Didder por sigui bay mas aleu.
Un functiehuis, pa maestronan. No laga gobierno pasa e maestronan un fastball. Mester tin transparencia, e maestronan mester wak e documentonan pa sa si nan kier esaki si of no. No laga niun schoolbestuur dicidi tampoco, pa kico tin cu wordo duna na maestro pa ta na scol, segun Sra. Didder.
Sra. Didder a finalisa bisando cu pa trata e ley di ombudsman,cu no a tende nada mas di dje. Nos muchanan ta wordo abusa, kico a pasa cu e leynan ey? Mester proteha nos muchanan, no solamente di scol, pero tur e muchanan.