MIAMI, Merca- Enrique Iglesias y su pareha Anna Kournikova a bira e orguyoso mayornan di no un, sino dos baby den fin di siman. Anna Kournikova a bira mayornan di un par di morocho.
Según TMZ, e pareha a bira mayornan di un mucha muhe y un mucha homber diasabra ultimo na Miami. Un fuente cercano di e famosonan a bisa cu e nomber di e muchanan ta Nicholas y Lucy.
Loke mas a hala atencion di tur hende ta cu nan tabata por a tene esaki den secreto pa nuebe luna largo.
Ta di señala cu Kournikova tabata tin mas di un aña pafo di luz publico.
Tanto Iglesias, di 42 aña, como Anna di 36, semper tabata masha discreto tocante nan relacion y e publico eyfo sa masha poco di con nan bida ta.
E pareha a cera conoci cu otro na 2001, ora cu Anna a participa den e video di e tema “Escape” di e cantante.
For di e tempo ey, Cupido a haci su cos y el a flecha nan tur dos, ya cu poco tempo despues nan a anuncia nan noviazgo.
Tal parce cu despues di tin 16 aña hunto, nan a dicidi di dar otro paso, y asina tambe ta bira mayornan di un par di morocho.
Fuente: http://www.telemundo.com