LAND O’ LAKES, Florida – Un buraco di mas of menos 200 pia, yama un sinkhole, a guli dos cas y autoridadnan a evacua henter un bario den Pasco County awe mainda y ainda e ta sigui crece, oficialnan a adverti y cu por yega te na e lago den cercania.
Un cas situa den Ocean Pines Drive den Land O’Lakes a cay den e buraco awe mainta y e buraco cu loco awo a gula gran parti di e cas aki. Bomberonan a bisa cu nan a haya un yamada via 911 despues di 7’or di mainta y cu e buraco a crece dentro di algun minuut despues di esey.
Un bista for di SkyFOX a mustra un desaster di lodo y ruina. Un vocero di Pasco County Emergency Management ta calcula cu e buraco aki tabata 50 pia di profundidad, 220 pia di hancho y ta spera cu e lo sigui crece.
Polisnan a cordona porcion di e bario y solamente residentenan cu identificacion den e area pa nan coy nan pertenencianan di balor for di e casnan evacua – den algun caso, compaña pa bombero.
No tabata tin ningun hende herida a wordo reporta. 11 cas a wordo evacua te asina leu, aunke cu por tin mas.
“Si nos mester bin y bati na bo porta, bo mester ta cla pa bay. Nos lo sigui cu esaki cada 100 pia pa biaha of segun loke e inspector di construccion ta bisa nos,” Kevin Guthrie, un ambtenaar di e oficina di condado a bisa. “Esaki ta un situacion fastioso. E sinkhole aki, no ta stabil.”
Inicialmente, autoridadnan a yama e buraco aki “un depresion”, pero el a wordo categorisa despues como un sinkhole – un importante distincion pa rasonnan di seguro. Dos geologo di estado ta spera pa yega y despues sigui evalua e scenario awe tardi, pero reparacionnan completo lo por tuma varios siman, si no ta luna.
E buraco ta un yarda leu for di un brasa di e Lago Saxon, y oficialnan ta preocupa cu esaki por sigui crece, cu esaki na final por yega e lago mes, sigui inunda e bario. “Mama naturalesa ta tumando bek loke Mama Naturalesa kier haya bek,” Guthrie a agrega laat awe mainta.
Recordnan di e condado a mustra cu un sinkhole di 50 pia di profundidad na e sitio a wordo remedia na 2014 cu un costo riba $30 mil, pero mas detaye no tabata disponibel inmediatamente.
Sinkhole ta di regular ocurencia den Central Florida debi na e naturalesa di e geologia di e estado. Buraconan mas chikito ta comun, aunke cu ta conoci cu nan por causa daño y hasta distrui casnan completo.
Na 2013, un buraco a habri repentinamente bao di un cas na Seffner, matando un homber mientras cu e tabata drumi, despues el a habri bek dos aña despues.
Fuente: http://www.fox13news.com