Centro di Estudio di Obheto Cercano na Tera (NEOEarth Close Approaches) di NASA, a informa riba un enorme asteroide cu lo pasa awe mas of menos 2,8 miyon kilometer leu di distancia di Tera.
Segun e calculo di e cientificonan, e tamaño di e cuerpo celeste por varia entre 210 y 480 meter, aproximadamente haltura di Empire State Building (381 meter), situa na New York.
E asteroide nombra OS7, a wordo descubri primeramente na 2008 y no ta presenta ningun peliger pa nos planeta: e lo pasa na un distancia cu ta igual na mas di shete biaha e espacio entre Tera y Luna.
Su velocidad ta mas of menos 18,17 kilomter pa seconde. E siguiente biaha cu e asteroide lo yega cerca e planeta lo ta na januari di 2032, sinembargo na un distancia mayor di 72 miyon kilometer leu.
