Enfermedadnan mal denomina no transmisibel, es decir, esunnan cu ta wordo transmiti door di conducta y comportacion, en realidad ta e enfermedadnan di e estilonan di bida y awe, e prome asesino di mundo, mescos cu e reto di mas grandi di mundo, riba violencia of terorismo.
Cada aña 17.5 miyon di persona ta muri pa motibo di e malnan aki, cu por wordo evita cu sistemanan efectivo di prevencion, educacion y cambio den e habitonan di bida, segun datonan di e Organisacion Mundial di Salud (WHO).
E desafiio aki a wordo ricibi como respuesta na los nos conoce como habito y estilonan di bida saludabel, en conhunto di recomendacionnan teorico – basa riba evidencia – segun cual, den su entorno, personanan tin cu pensa, biba y obra di acuerdo cu lo indica pa e teorianan por medio di un lenguahe di imposicion, prohibicion y restriccion.
Esaki ta wordo empaketa den un formato cu no ta permiti pa genera condicionnan nobo di comportacion.
Eynan a nace e propuesta di un cambio cultural. Ta un invitacion pa unda hende ta biba, traha of ta diberti, por tuma decisionnan di cuidao pa e bienestar y e bon biba, dentro di un pedagogia cu ta respeta su custumber y tradicionnan y cu ta permiti pa contempla formanan nobo di interaccion cu e movimiento y e cuminda, leu di e huma di sigaria.
Pa logra cu e personanan tuma accionnan cu ta faborece e cuidado, ta imprescindibel cu e entornonan caminda cu ta forma su creencia, vivencia, custumber y cultura ta yuda nan tuma decisionnan pa cuida.
E escenarionan pa interveni ta cu famia, scol, universidad y luganan di trabao.
E fin di e accionnan cu nos ta propone pa propicia pensamentonan di cuidado cu ta haci posibel e mantenimento y e mehoramento di bienestar di e individuonan.
E promocion di e cultura di cuidado ta un combinacion di apoyo comunicativo, educativo y ambiental cu ta centra den eleccion y responsabilidadnan personal pa stimula unc ambio social y di medio.
Frente e cultura di sedentarismo, nos ta fomenta cultura di movecion; dilanti e cultura di dieet y e restriccion, nos ta fomenta e cultura di siña come y frente e cultura antitabaco, cu ta persigui e humadonan cu ta enfermo, ta fomenta e cultura di espacionan liber di huma.
Ta un apuesta pa e cuidado di bida, cu ta mas bien aprecia cu anos, sernan humano tin.
Fuente: http://www.eltiempo.com