Recientemente a tuma luga un reunion hopi importante di WBSC “World Baseball and Softball Confederation” na Monterrey, Mexico unda tur e ehecutivonan di 5 continente rond mundo a reuni pa tuma hopi decision importante. Despues cu IOC a vota na Rio de Janeiro, Brasil y a aproba pa Baseball y Softball drenta bek weganan Olympico 2020 e Board Ehecutivo di Baseball y Softball mundial a topa otro na Monterrey, Mexico pa tuma decisionnan importante. Entreotro a traha riba un proposicion di clasificacion pa presenta esaki na IOC (International Olympic Committee). Yiu homber di Fidel Castro di Cuba, Sr Antonio Castro, tambe ta den board di ehecutivo di WBSC y a hunga un rol importante den e proceso di regreso di Baseball y Softball den weganan Olimpico. Endy Croes kende desde 2014 tin un bon Amistad cu Antonio Castro a reuni cu Antonio Castro na Mexico recientemente riba diferente topico na bienester di Softball y Baseball. Reunion a bay hopi bon y lo topa otro Februari 2017 pa asina concretisa algun acuerdo unda deporte lo sali gana. Deporte den pleno desaroyo.