Endy Croes (MEP): “Mike ta grita y Candelaria ta ripiti!”

0
RBC Juli 2018
Funmiles-2018

Parlamentario Endy Croes a tuma nota di un articulo di Candelaria di AVP diahuebs ultimo unda e ta ripiti locual Mike Eman su lider a bin ta papia algun dia atras. Pues Mike mester sali papia pa motiva Candelaria pa skirbi mescos. Que Parlamentario? Candelaria cu yoradera igual cu ripitiendo locual Mike Eman a yora e siman promer alrespecto persecucion politico. Textualmente Candelaria a skirbi “bes tras di bes nos ta hayando informacion y confirmacion y razon cu ta kitando hende no pa nan funcionamento pero pa nan escogencia politico”. Alaves Candelaria a ilustra entre otro na Director di DVG y Marc Oduber. Pa informa Candelaria Sr. Marc Oduber ta trahando cu un minister y pues e por busca mihor informacion. Candelaria ta sinti cu por ehempel 147 coordinador cu tabata traha solamente den oficina di Mike Eman mester a keda cu nan trabao? Dicon Mike Eman a pone den nan contract “VOOR DE DUUR VAN DE REGERING”? Kico esey lo ta bisabo Candelaria? Esey ta persecucion politico of esey kiermen cu Mike mes no kier a regla nada drechi pa su propio hendenan? Dicon Mike Eman no a bin Parlamento pa defende su votadornan y ta laga e trabao sushi pa entre otro abo? Bo ta haya normal cu diferente hende tabata gana entre 17 pa 25 mil florin pa luna y no ta presenta na trabao cerca Mike Eman? Awor cu a corta e abusonan aki bo ta yam’e persecucion politico? Mi ta compronde cu bo a biba y traha basta na Corsou y kisas no ta na altura completamente di locual ta pasando na Aruba pero lagami refresca bo memoria kico ta persecucion politico. Bo ta na altura kico bo partido AVP a haci cu Director di Asuntonan Economico, ex- Director di Arubahuis, ex-Director di Telecomunicacion, profesionalnan di Belastingsdienst y Finanza, doño di kiosco den Caya Betico Croes pa nombra un par? Esakinan si ta persecucion politico. Ta conseha Candelaria pa e ta mas sincero y atende su trabao mas frecuente y cu mas seriedad. Ban hunto wak con nos por saca Aruba for di e desaster cu AVP a ocasiona. Raymond Knops, Staatssecretaris di Hulanda, pa prome biaha den historia a caba di declara den un entrevista cu den 8 aña di AVP e debe nacional a aumenta di 40% pa rond 90% y cu esaki ta “ZEER DRASTISCH”. Pues awor cu Hulanda mes a reconfirma tur locual nos a bisa nos ta spera cu Candelaria por recapacita y para pa traha realmente pa pueblo y stop cu e politica anticua di AVP style di tira para pa purba pega algo y gara popularidad.

Comments

comments

C: Heineken
new india