Endy Croes (MEP): ‘Mike Eman ta un Lobo den cuero di carne’

0
RBC Juli 2018
Funmiles-2018

Parlamentario Endy Croes ta reacciona riba un articulo cu Mike Eman a skirbi recientemente unda awor e kier sali na defensa di un Director haciendo comosifuera ta persecucion politico tin. Mike a skirbi textualmente “Un cantidad di personanan cu n’e momento aki di un of otro forma a of ta wordo persigui door di Gabinete Wever Croes ya a pasa 300.” Akinan claramente por mira con Mike Eman no ta laga su mala maña di manipula y gaña un pueblo. Pakico Mike Eman no ta papia e berdad? Mi ta reta e mentiroso patalogico Mike Eman pa “be a man” y publica e lista di 300 cu e ta papia di dje.

147 coordinador riba payroll
Mike Eman tabata tin 147 coordinador riba su payroll den su oficina y apenas tabata tin 25 stoel. Mayoria di e 147 personanan aki tabata tin un balente salario. Den nan contract ta para “Voor de duur van de regering”. Pues bo ta bin y bo ta bay cu e gobierno. Si Mike Eman di berdad kier a defende e hendenan aki e mester a percura pa yudanan door di pone nan den gobierno y no laga 8 aña pasa sin regla nan contract y awor kier yora cu ta persecucion politico. Tabata tin coordinador riba su payroll cu ta cobra 25 mil pa luna y no ta presenta na trabao. Ora gobierno a cambia y a busca informacion di e comper aki y a puntr’e kico e ta haci pa gobierno, su contesta tabata cu e ta skirbi advies. Momento a pidi’e pa manda su adviesnan cu el a skirbi pa Prome Minister den 2017 e no por a produci ningun.

Maneho descabeya
Mester menciona cu Mike Eman a malgasta 112 MIYON florin na deskundig advies y esakinan ta prueba con Mike na un manera sin escrupulo of sin gevoel tabata complace amigonan cu salarionan barbaro siendo na cas. Awe Aruba mester paga e prijs caro aki pa Mike Eman su maneho descabeya. Mike a redobla e debe di Pais Aruba y a sinti’e orguyoso di esey momento el a grita den Parlamento di Aruba cu e debe t’ey pa nos tur bay pag’e den futuro. Hungando cu sentimento di hende Mike den su articulo a referi na un articulo di Universal Declaration of Human Rights (UDHR). Aki Mike kier pretende cu Aruba ta poniendo su mes na riesgo como paisnan flagrante di e Declaracion Universal di Derechonan Humano. Artikel 2 di UDHR ta bisa textualmente: “Everyone is entitled to all the rights and freedoms set forth in this Declaration, without distinction of any kind, such as race, colour, sex, language, religion, political or other opinion, national or social origin, property, birth or other status.”

Persecucion politico
Mike awe kier hunga cu dolor di hende cual e mes ta e gran causante di no a regla nan status. Mike mester a lesa e articulo aki prome cu el a wordo derota den eleccion. Anto Mike Eman kier papia awe di persecucion? Mi lo menciona algun caso di ex-director, funcionarionan di gobierno, comerciante y lo kier Mike Eman splica ta kico el a haci cu e hendenan aki ? Ex-Director di Asunto Economico, ex-Director di Arubahuis, ex-Director di Telecomunicacion, profesionalnan na Departamento di Belasting y Finansa, Hefe di Guarda Nos Costa, doño di kiosco den Caya Betico Croes etc. Esaki ta un lista di algun ciudadano cu nos ta menciona awe y ta puntra Mike Eman si acaso e artikel # 2 di UDRH no a conta pa e ciudadanonan aki kendenan a wordo malamente persigui pa AVP y Mike Eman? Mike Eman ta sinonimo na un LOBO den cuero di CARNE. Endy Croes ta manda mensahe na Mike Eman: Asumi bo responsabilidad aceptando bo eror garafal di e mal maneho y reconoce e desaster financiero cu bo a laga atras y pidi Aruba pordon pa locual bo a ocasiona den 8 aña. Raymond Knops, Staatssecretaris tabata hopi cla den su entrevista siman pasa momento cu el a confirma cu debe di Aruba a aumenta den 8 aña di 40% pa rond 90% cual el a bisa ta ZEER DRAMATISCH. Asina el a categorisa Mike Eman. Endy Croes a termina bisando cu e lo no laga ningun fastball di Mike Eman y AVP pasa sin cu e lo reacciona cu e berdad.

Comments

comments

C: Heineken
new india