Endy Croes (MEP): Mervin Wyatt Ras ta drenta reunion tocante Fast Ferry laat pa despues keha

0
RBC Juli 2018
Funmiles-2018

Parlamentario Endy Croes ta puntra ta kico ta pasando den AVP? Kico ta pasando cu Mervin Wyatt Ras? Parlamentarionan di AVP practicamente nunca ta na trabao cu excepcion ora tin reunionnan publico y algun reunion di comisionnan fiho. Diahuebs atardi Comision Fiho financiero economico y organisacionnan gubernamental di Parlamento a ricibi Minister Chris Romero, conseheronan y un delegacion pa duna un presentacion riba Fast Ferry. Manera nan ta yama e Fast Ferry ta e “High Way” entre Aruba y Corsou. Presidente di e comision aki Sra. Daphne Lejuez a dirigi e reunion aki cual a cana den un tremendo atmosfera. Minister Chris Romero a duna un splicacion riba nivel di gobierno, Luigi Bergen tambe a amplia riba e tema aki mientras Rafael Estrada y Ton Jansen a bay te den detaye di tur informacion. Ton Jansen di ICASUS Caribbean a duna un powerpoint presentation pa haci e idea aki uno hopi mas cla pa Parlamento. Ta trata di un Fast Ferry estilo un “Trimaran” cu por transporta 1200 persona, 300 auto, 40 containers (trucks) Aruba – Corsou den menos di 2 ora waf-waf. Na islanan Canarias tin tiponan di trimarannan aki den funcion maneha pa e compania Fred Olsen. Un producto cu ta zona alentador sigur si mira e spinoff effect cu esaki por tin riba tereno deportivo, social y social economico. E proyecto aki lo crea alrededor di 120 empleo directo y 600 indirecto. Parlamento a keda masha contento cu e presentacion y tin miras pa futuro pa duna sosten na Gobierno y Minister Chris Romero pa por realisa e proyecto aki. Tanto Richard Arends y Mervin Wyatt Ras di oposicion tabata presente. Mervin Wyatt Ras sinembargo a yega e reunion basta laat, door cu e tabata mira wega di Belgica y Inglatera cual kisas tabata mas importante p’e e momento ey, y ta cuminsa lansa un cantidad di pregunta tanto infantil y otro preguntanan cu ya caba a wordo splica desde inicio di e reunion. No obstante e “molester” cu Mervin Wyatt Ras a causa e presidente e momento ey Sra. Daphne Lejuez a pidi Minister Chris Romero y delegacion pa ripiti tur splicacion cu ya caba a wordo duna pa asina evita un yoradera den prensa di dicho señora cu ta gusta haci esaki. E kier bay shelo pero no kier muri. Tur ora tur hende ta malo y tin culpa pero menos E mes. Esaki ta tipifica e modus operandi di politiconan di panlefi di AVP. Nos lo bay keda observa di cerca dia e Fast Ferry aki cuminsa modela riba e High Way Aruba Corsou si Mervin Wyatt Ras lo bay pidi lift scondi pa Corsou haciendo uzo di e servicio aki. Claro e ta pa tur hende. Finalmente tur demas miembronan a sali contento cu e presentacion di e proyecto aki.

Comments

comments

C: Heineken
new india