Den luna di December 2017 pa ta exacto 2 siman pasa Aruba Softball Bond a tene su Reunion General esta su “Algemene Leden Vergadering” conosi tambe como ALV. ASB cumpliendo cu su Statuut Art # 9 y tambe Huishoudelijke Reglement Art # 13 y 15 a invita tur su ekiponan miembro pa dicho reunion. Tur ekipo a ricibi oportunidad pa por postula candidatonan pa diferente posicion den directiva. Alabes statuto ta prescribi cu mester nombra diferente comisionnan manera Straff Commissie, Ploegen commissie, Beroeps commissie, Protest commissie, Kas commissie etc. Tambe mester aproba notulenan anterior, presenta relato di secretaris y un relato financiero. ASB a splika tambe di un plan extenso cu e tin pa 2018. Na final a bay over na elecion. Un total di 12 miembro di 15 miembro cu por a vota cu tin “stemrecht” tabata presente. Durante elecion aki Endy Croes a keda reeligi como presidente di ASB pa un otro periode. Francisco Chipen Chirino ta wordo re eligi como vice presidente. Miembronan nobo cu a keda eligi y ta drenta directiva di ASB ta Estefano” Fano” Croes, Andresito Krozendijk, Ramiro “Roy” Geerman. Promer reunion oficial di e directiva nobo di 7 persona lo tuma lugar 28 di december proximo pa delinea diferente trabounan pa 2018. Despues di a combersa cu Endy Croes el a splica cu lo bay ta structurando ASB mas pa cu 2018 implementa y reforsa reglamento , disciplina y respect pa e wega. Riba nivel di Bestuur diferente miembro di bestuur lo ricibi un tarea specifico entre otro un Liga bou di nan hala cual nan mes lo percura pa tur cos esta di trahamento di schedule, book tereno y umpires y scorers y rond ful e Liga. Por ehempel un miembro dedica na A-Klas, otro dedica na AA etc etc. Tambe ta den nos plan pa motiva y inicia cu un Liga Femenino U16. Den 2018 tur scoring di wega lo bay ta electronico y por mira esakinan al instante online. Liga Especial lo bay ta un otro projecto nobo y den vision di ASB lo bay trece un campeonato femenino di CONSURSA na October 2018. Den 2018 Statutunan cu ta data di aña 1953 lo wordo renoba. En corto, lo bay tin hopi actividad cu desaroyonan hopi positivo pa cu softball organisa. Softball lo bay ta den pleno desaroyo.