Sr. Roy Maduro, miembro di directiva di AHATA a splica cu Aruba ta hopi sushi y nos por hasi hopi cos bon cu sushi manera Recycling Art.
Siman pasa a ricibi tur e obranan di arte y segun Sr. Maduro, el a keda babuca cu e arte cu ta existi den nos pueblo. IDeanan cu e hendenan tin, y AHATA/UNOCA ta habri desde dialuna 8 di Mei y diabierna 12 di Mei, lo tin premio pa e ganadonan.
Lo bay tin ganadonan den varios categoria, for di mucha, te cu profesional. Sr. Maduro ta spera cu esaki lo ta un empuhe pa no sigui solamente haci arte cu material recicla, pero cu e pueblo por bira consciente di e medio ambiente. Tira menos afo, reusa loke por wordo reuza y no susha Aruba.,
Esey ta un di e problemanan grandi cu ta existii te ainda. E hecho cu despues di 7 aña cu AHATA su environmental team ta core tras di gobierno, pa bin cu un prohibicion di saconan di plastic esey a yuda a masha hopi. Ya despues di paar di luna, ya por ripara cu tin menos plastic ta waya den e cadushi y matanan di kwihi.
Pero mester mas empeño di tur hende. Ta varios hende a trece nan arte pa AHATA. Segun Sr. Roy Maduro, lo mester warda wak kico huesnan ta dicidi, ken ta e ganadonan. Tin muchanan di scolnan basico, tin profesionalnan, tin individualnan, tin gruponan, tin varios premio.
Kisas na Aruba lo por pone reciclahe como un vak na scol, pero segun sr. Maduro, e mester ta un gana di cada persona pa haci esey. E empuhe no mester bin no solamente di e gobernantenan, pero di nos mes. Pa no susha e luga, no susha nos pais. Y pa e scolnan, ta spera cu con pa cuida nos medio ambiente, por bira un vak na scol algun dia. Asina Sr. Roy Maduro, miembro di directiva di AHATA a splica.