Manera tur aña directiva di Centro di Bario Playa Pabao ta celebra Dia Internacional di Derecho di Mucha den su Centro. Otro siman lo anuncia e progograma pero ya por mencion cu e aña aki a bin cu un cambio grandi na unda lo organisa e careda di autonan chikito (match box) miho conoci como “Hot Wheels. Diabierna dia 18 November e actividad ta cuminsa merdia pa 3’or. Pa por participa na e careda aki por inscribi diamars atardi di 5’or pm 7’or pm y diarason di 5’or pa 7’or pm na nos Centro. Autonan no mag di pisa 75 gram y cada team mag di inscribi 4 auto. Tambe mester menciona cu no ta permiti adultonan pa pusta auto ya cu e ta actividad pa nos muchanan. Pues directiva di Centro di Bario Playa Pabao ta invita nos muchanan pa bin inscribi nan auto ya cu e cantidad di auto cu por participa ta limita.