LONDON, Inglatera – E empresanan di e zona Euro a cuminsa e di dos mita di aña cu un solido crecemento, aunke un presion inflacionista mas debil por caba cu e expectativanan di un retirada di stimulo di parti di e Banco Central Europeo e aña aki, un sondeo a mustra dialuna.
E añanan di politica monetario ultralaxa, por a reforsa e crecemento, pero e inflacion ainda ta leu di e obhetivo cercano na 2 porciento di BCE y un subida chikito di prijs ei luna aki, lo a duna un lectura decepcionante pa e responsabelnan di e politica monetario.
E lectura provisional di e indice componi di gerentenan di compra (PMI) di IHS Markit pa e zona Euro, cu ta wordo percibi como un bon guia pa e crecemento economico, a baha na 55,8 na Juli desde 56,3 na Juni, aunke e ta sigui comodamente riba e nivel di 50, cu ta separa e crecemento di e contraccion.
E lectura tabata abao di e mediano di un sondeo di Reuters cu a apunta na 56,2.
“Un subida amplio y robusto ta sigui aparece, solamente ta perde algo di ritmo y ta demasiado pronto pa preocupa p’e,” Christ Williamson, economista di IHS Markit, a bisa.
Williamson a bisa cu si e mantene, e PMI ta sugeri un crecemento di e Producto Interno Bruto di un 0.6 porciento den e di tercer trimester, mas cu e 0,4 porciento cu un sondeo di Reuters a spera e luna aki. E expansion di e ultimo trimester a wordo spera riba e 0.5 porciento.
Pero e indice di prijs na e produccion a baha pa di dos luna na 51.7 desde 51.8. Esaki ta su menor nivel desde Januari. E prijsnan di e bloke a subi un 1,3 porciento interanual na Juni.
“Esaki no ta bay haci cu BCE lo percipita na tuma decisionnan. E lo provoca cu algun ta pensa cu BCE lo wanta algo mas prome cu haci cualkier anuncio,” Williamson a bisa.
Fuente: www.reuters.com