Empleadonan di La Cabana Beach Resort & Casino a wordo invita na e fiesta
tradicional di e compania na Renaissance Convention Center, cu Carine Cratz manera host y Tessely Koolman kende a guia staff y miembronan di gerencia door di un tremendo programa festivo navideño, entretenimento y awards.
Empleadonan a wordo saluda na e porta por medio di General Manager, Joe Najjar, miembronan di Executive Committee y hefenan di departamento, mientras Gaitas Las Unicas tabata entretene tur hende asina bunita y elegante bisti cu e cancionnan popular di e temporada. Un Instant Photo studio special a wordo prepara pa potretnan, cual tabata obtenibel mesora e anochi ey manera souvenir di un tremendo cena navideño. Un glittering Santa cu su trahe silver a tabata presente pa selfies y potretnan leuk den grupo.
Manager di Human Resources Sandra Gagusan tabata tin e honor di presenta un bendicion special di Pasco, net prome cu e luhoso buffet dinner di Renaissance Convention Center su team culinario a habri.
Mientras empleadonan tabata disfruta di nan cena den un tremendo comunidad, Najjar a presenta su mesun mensahe di Pasco reflehando riba e exitonan di 2019, y vision di e bendicionnan cu 2020 lo trece cu ne. Robert y Su Solo Banda Show hunto cu TAXI Dancers a provee entretenimento nonstop, y durante pausanan musical, honornan a wordo brinda na top empleadonan cu e anuncio di Empleado di Aña, 1st Runner Up, Supervisor di aña, Manager di aña y Team di aña 2019, entre tur ganadornan mensual.
Na final di e anochi, premionan a wordo parti cual a sorprende algun hende cu suerte kende a gana
certificadonan di compras na e supermercado di nan escogencia, na balor di Awg. 1000, Awg. 500, y Awg. 100. E pista di baile a yena pa e Hora Loca, na unda cu e ambiente tabata tremendo te despues di mardruga.
