Diaranson, pa mas of menos 10’or y 15 di mainta, un empleado di DOW a meld cu dilanti di un cas na Malmok, riba e beach, bao di un palapa, tabata tin varios tas, pero no tabata tin ningun hende den vecindario. A base di esaki, polis a bay na e sitio. Eynan nan a mira dos tas y un tas di snorkel. Un tiki mas dilanti, nan a mira un auto di huur color cora. Den e tas nan a bin haya un iPhone. E auto a wordo controla y e porta banda drechi no tabata na yabi. Den lama por a mira cu tabata tin algun turista riba un boto di placer y tambe dos otro persona den lama cu algun articulo di duik. E dos personanan aki a wordo atendi y parce cu en berdad nan tabata doño di e tasnan. E cabayero turista a landa bin canto. El a wordo mustra cu ta insigur pa laga nan pertenencianan atras y e auto habri. A pidie pa controla e auto y nan pertenencianan y parce cu tur cos ta na ordo y no falta nad.a Central a wordo poni na altura.
- Latest
