Empleadonan di Arubus no kier sigui copera cu 12.6% y tampoco kier tuma niun di 3 opcion presenta na nan

E ambiente laboral na na nos compania estatal di transporte ta keda uno tenso pa motibo di e contribucion di 12.6% cu a bin ta haciendo den e ultimo lunanan pa motibo di e Covidcrisis.

 

Arubus NV, como compania estatal cu ta haya subsidio di Gobierno, a haya un regulacion diferente pa loke ta e contribucion di e 12.6% na Gobierno. Segun documentacion y informacion cu a yega na nos mesa di redaccion, ta asina cu Gobierno ta deduci automaticamente 12.6% for di e subsidio cu Arubus NV tin di haya tur luna, y asina automaticamente ta deduci e mesun porcentahe aki for di e salario di tur empleado, menos e Director. Den caso di e Director, e ta haya un deduccion di 20% for di su salario tur luna.

Di banda di e empleadonan tin un discordia grandi actualmente pa loke ta nan salario. Mientras cu tin algun cu ta compronde e situacion y ta dispuesto na sigui copera cu nan 12.6%, tin un grupo cu ta para totalmente contra di e coperacion aki. E argumentacion di e grupo cu no kier copera ta bastante personal, como cu cada ken tin nan propio motivacion. Pero esnan cu no ta dispuesto a uni pa asina, via nan sindicato, bringa pa revoca e carta cu nan a haya dia 6 di Januari ultimo, unda cu Gerencia di Arubus NV ta duna nan 3 opcion di con pa deduci e 12.6% for di nan salario anual.
Dicho carta a yega na nos mesa di redaccion y por les’e aki:

Loader Loading...
EAD Logo Taking too long?

Reload Reload document
| Open Open in new tab

Download [404.43 KB]

E no ta un secreto cu e pandemia a afecta Arubus NV grandemente unda cu por papia di un perdida di entrada di mas cu 50%. Esaki ta banda di e problemanan financiero grandi cu Arubus tabata enfrentando prome cu e Covidcrisis. Y mirando e situacion financiero precario di e compania estatal di transporte ta aden aworaki, ta spera cu reduccion di personal lo ta na caminda pa por sigura cu Arubus NV por sobrebibi e golpi aki.

Comments

comments