Aruba Bank a forma parti di e proyecto di profielkeuze di Colegio San Antonio. Pa e Proyecto aki e empleadonan di Aruba Bank a graba un video cu ta duna un tiki mas splicacion di nan trayecto personal pa yega na nan funcion actual.
Esaki desde cu nan a caba nan studio secundario pa despues sigui diferente otro estudio y yega na haya un trabao/ carera na e institucion financiero, Aruba Bank.
E meta di e video ta pa motiva cada studiante pa kies e materia Economia y alabes mustra nan e diferente posibilidadnan cu e estudio aki ta brinda nan den e sector bancario. E video a wordo comparti cu e studiantenan y lo fungi como un herment extra pa e añanan venidero.
Pa Aruba Bank e tabata mas cu un honor pa brinda e studiantenan informacion necesario cu por yuda den nan escogencia pa un futuro profesion.
Danki na staff y team completo di Colegio San Antonio pa acerca Aruba Bank y na tur empleado cu a forma parti di e video di un manera of otro.