Despues di a reuni cu e delegadonan di e companianan cu ta resorta bao di WAB, diasabra ultimo na sede di SIMAR y tambe cu e empleadonan, a bin na un consensus cu e contra oferta di WAB pa locual ta e CAO ta inacceptabel.
Trahadonan rabia ta cla pa bay den accion y ta urgi directiva di WAB pa bin cu’n CAO mas husto e biaha aki. Nan no kier tende nada mas di protocol, sino di sinta negocia un CAO completamente nobo.
STA tin e concepto cla caba y den e dianan cu ta sigui lo manda esaki pa WAB. A pesar cu a pidi mediador di gobierno pa traha riba un “Tussenvoorstel” no ta kita afo e deseo pa un contrato colectivo completamente nobo.