NUEVA YORK (AP) — Un ingeniero di software cu tabata traha na Google a wordo haya morto den e sede di e compania na New York, autoridadnan a informa diasabra.
Scott Krulcik, di 22 aña, a wordo haya for di tino na e di seis piso di e oficinanan di e compania na Chelsea rond di 9 or di anochi diabierna. El a wordo declara morto pa paramediconan di Servicio Medico di Emergencia.
Polis a indica cu e curpa no tabata presenta señalnan di violencia y no tin motibo pa sospecha cu e morto di Krulcik a wordo provoca pa otro hende. E oficina di e dokter forense di e ciudad lo determina e causa di morto.\
E profile di Krulcik riba Linkedin ta señala cu el a cuminsa traha na Google na augustus despues di un periodo di stage den zomer di 2017.
E hoben a gradua di Carnegie Mellon University den lente di e aña aki den Computer Science.