WASHINGTON D.C., Merca – Un traductora di FBI cu autorisacion di siguridad di alto nivel, a casa cu un miembro di ISIS, cual tabata investigando despues di un biahe pa Siria na 2014.
E empleado, Daniela Greene di 38 aña, a gaña FBI cerca di unda el a bay y a adverti su casa cu e tabata bao di investigacion, segun e registronan di corte federal a reporta na CNN.
E caso di Greene, cual nunca a wordo publica te na e momento, a pone den descubrierto e brecha embarasoso den e siguridad di FBI, cual mision durante e ultimo añanan tabata e exterminio di ISIS.
Loke ta inkieta e criticonan ta e hecho cu e trahado di FBI a ricibi tratamento preferencial di parti di e fiscalnan di e Departamento di Husticia. Despues di a conoce e hechonan, solamente a acus’e di un delito relativamente menor. Segun reportenan di FBI a pidi hues cu tabata tin e caso, pa dun’e un sentencia reduci a cambio di su cooperacion.
Poco siman despues di a casa cu e miembro di ISIS, Greene a realisa su grave eror. El a bin bek unda el a wordo deteni inmediatamente y a accede na coopera cu autoridad. El a declara su mes culpabel di a haci declaracionnan falso di terorismo internacional y a wordo condena na dos aña di prizon federal. El a wordo poni den libertad zomer ultimo.
Desso Dogg, conocido reclutador di ISIS
Su nomber ta Denis Cuspert, un rapero Aleman cu a converti den e principal reclutador di terorista pa ISIS. Su fama di rapero di e grupo Yihadista, a convirtie den poco tempo, den un pesa clave di e organisacion terorista pa busca adeptonan nobo dentro y pafo di Europa.
Na Alemania, Cuspert tabata conoci pa e nomber di rapero Deso Dogg. Na Siria nan tabata yam’e Abu Talha al-Almani. Den su cancionnan cualnan tabata tin miles di siguido, tabata alaba Osama bin Laden, tabata menasa Merca y retiradamente tabata celebra e guera santo.
Na October di 2015, e Pentagono a informa cu Cuspert, di 39 aña a muri, producto di un atake aereo di Merca, realisa cerca di e ciudad Sirio di Al Raqa. Sin embargo, na Augustus di 2016, Pentagono a señala cu tal informacion tabata eroneo y cu Cuspert a sobrevivi e bombardeo.
Den un declaracion na CNN, FBI a señala diamars cu a consecuencia di e caso di Greene, e agencia “a adopta varios medida pa identifica y reduci e vulnerabilidad di siguridad” y cu “ta continua reforsando e medidanan di proteccion pa ehecuta nan trabao crucial.”
Fuente: El Diario