E fin di siman aki Aruba lo haya e oportunidad di cera conoci cu un club nocturno den un dimension completamente nobo cu lo duna atencion na tur genero di musica y gusto. Ta trata aki di Emotions Aruba. Despues di hopi luna di construccion y instalacion diabierna y diasabra lo celebra e gran aperture cu un publico grandi. E cantidad limita di carchi pre-benta pa e anochi di diabierna ya ta practicamente bendi pa e presentacion di e artista popular den e genero urbano y dancehall Charly Black. Black ta conoci cu e.o e exito di Party Animal. Na momento cu e carchinan aki caba ta na porta so lo por paga pa cumpra bo entrada tanten cu tin espacio. Sinembargo tur atencion awo ta pa e di dos anochi di apertura cu lo priminti di bira un anochi eclectico cu ritmonan electronico combina cu urbano. E musica lo na encargo di e famoso DJnan internacional Dj Cre-8 for di New York su emisora Power 105 y tambe conocido Dj Leroy Styles. Pa Aruba lo tin Big Rig y Dj Yeimy. Pa ambos anochi por haya ticket na Citgo Boulevard y Essoville.
Emotions Aruba ta situa parcialmente unda antes tabata Club Hipsz banda di Eagle Bowling Palace pero a conoce un expansion enorme. Tanto paden como pafor. Specialmente paden un sistema di sonido ultra-moderno a wordo instala hunto cu efectonan di luz cu lo impresiona cada bishitante. Full e instalacion a keda na encargo di e profesionalnan di Elite Productions & Entertainment. Tanto localnan como bishitantenan di exterior lo sinti nan mes na cas. E musica cu Emotions Aruba lo ofrece ta uno completamente varia y cu anochinan special dedica na un genero. Naturalmente seguridad lo ta un prioridad tambe pa Emotions pa tur cliente por pasa un anochi ameno.
Pa loke ta e publico di Aruba y turistanan ta hopi ta sinti falta di un club nocturno despues cu varios club a cera den e ultimo añanan. Pa e team di Emotions Aruba nan ta sigura e publico cu tur anochi lo ta anochinan di calidad mirando e diferente entretenimentonan cu lo tin y e personal atento cu lo sirbi e cocktailnan di mas dushi. E club ta habri entre diaranson y diasabra. Den siman te cu 2 or y den fin di siman te cu 4 or.