PARIS, Francia- Emmanuel Macron diadomingo a asumi presidencia di Francia. Den su prome discuros el a subraya cu e Francesnan a bet ariba “speransa y e poder di conkista” ora cu nan a eligi’e y cu e tin e boluntad di dunanan e confianza den nan mes. Y pa convence nan di cu Francia tin e truco pa ta un potencia den siglo XXI.
“Mundo y Europa mester di Francia mas cu nunca, un Francia fuerte cu ta hiba den halto e bos di libertad y di solidaridad, di un Francia cu a sa di inventa e futuro”, Macron a enfatiza, durante e ceremonia di traspaso di poder den e Palacio di Eliseo.
El a agrega cu mundo ta spera di su pais “e audacia di libertad, e exigencia di igualdad y e boluntad di fraternidad”, pero e ta enfrenta e hecho di cu ya pa varios decada “Francia ta duda di su mes” y di e principionan ariba cual a contrui ariba dje.
Pesey, su dos prioridadnan lo ta pa devolve e Francesnan e confiansa den nan mes y convence nan di cu e pais tin “den su man tur e truconan cu ta haci y cu lo haci Francia un di e gran potencianan di siglo XXI.
Den su discurso, pronuncia poco despues di cu e presidente saliente, Francois Hollande a sali for di Palacio di Eliseo, Europa ta ocupa un espacio importante y Macron a priminti di traha pa “reforsa y relansa Francia, pasobra e ta proteha y e ta permiti nos proyecta nos balornan di mundo”.
E politico socioliberal, e presidente mas hoben di full e historia Republicano di Francia (39 aña), a insisti cu e lo no hala atras di e programa cu a hibe na poder. Esey kiermen, cu e lo alenta iniciativa priva, lo privilegia “e creacion y e innovacion” y lo fortalesa e solidaridad nacional, pa esunnan cu ta sintinan mes lubida pa e efectonan di globalisacion.
Tambe el a haci alusion na e mensasa terorista, afirmando cu “lo amplia tur loke ta haci Francia un pais sigur, unda cu bo por biba sin miedo” y a priminti mas recursonan pa e forsanan di orden y pa servicio secreto.
Macron a rindi homenahe na e Presidentenan prome cu nan den e V Republica y di si antecesor directo, François Hollande di kende el a despedi algun minuut prome den e patio di Eliseo, y el a destaca cu Hollande tabat e “precursor di e acuerdo di Paris tocante e clima y protegiendo e Francesnan den un mundo golpia pa terorismo”.
Fuente:www.ntn24.com