Internacional: Emma Coronel Aispuro, casa di e famoso traficante di droga Joaquín “El Chapo” Guzman, a sali for di un prizon federal diaranson 13 di september 2023, diamars, despues di a cumpli casi dos aña pa cargo di trafico di droga y labamento di placa, asina un oficial di prison a informa.
Coronel a haya un sentencia di tres aña di prison y cuatro aña di libertad supervisa na november di 2021 pa cargo di trafico di droga y laba placa relaciona cu e imperio di trafico di droga di su casa. Na juni di e aña ey, Coronel a admiti cu el a comete e cargonan y a ricibi credito pa e tempo cu el a cumpli.
Prome cu su sentencia na november, Coronel a dirigi na curpa y a mustra un gran remordimento pa su parti cu Guzman y e Cartel di Sinaloa y e daño cu por a causa na ciudadanonan di Estados Unidos. El a asumi tur responsabilidad y a pidi e hues considera su yiunan, cu na e momento nan tabatin 9 aña, cu lo mester a crece sin nan mayornan.
E fiscalnan tabata pidi 48 luna di prizon, nuebe luna bou di e minimo di e directiva di sentencia, cinco aña di libertad supervisa y a confisca US$ 1,5 miyon, despues di tuma na cuenta varios factornan, incluso cu nan ta considera cu su papel den e conspiracion ta minimo y cu el a keda libera di responsabilidad rapidamente despues di su aresto, cu a yuda wanta temp y recursonan na gobierno durante di e sesionnan di preparacion pa e caso, y cu no tin acusacionnan anterior di caracter criminal.
E hues a bay bou di e recomendacion di e fiscal, pasobra el a considera no solamente e factornan, sino tambe cu el a conoce Guzman ora e tabatin 17 aña y el a casa cu e na edad di 18.
