Warda Costa di Caribe Hulandes (KWCARIB), diamars 12 di December den cooperacion cu Douane, a intercepta cuater embarcacon. Den total tabata tin 8 persona a bordo, tur di nacionalidad Venezolano. nan tabata tin un gran cantidad di municion y tambe handgranaat den nan posesion.
E radar di e Centro di Rescate y Coordinacion pa mas o menos 2 or di merdia ta detecta cuater contacto straño cera di Spaanse Water, Corsou. Un Super RHIB di steunpunt Corsou a wordo manda di biaha pa e sitio señala y ta bin topa cu cuater embarcacion. Un di nan tabata wordo getouw. E tripulacion di e Super RHIB a subi a bordo y despues di un investigacion ta bin haya armanan di candela, municion y handgranaat. Tur e personanan abordo di e embarcacionann a wordo deteni. E embarcacionnan a wordo manda pa steunpunt Parera. Akinan e 8 sospechosonan a wordo entrega na polis.
Danki na e informacion suministra y e comparti informacion cu partnernan, den e caso specifico cu Douane, a conduci cu por a gara e armanan aki. E caso ta bou di investigacion.