WASHINGTON, D.C., Merca- Presidente Mericano, Donald Trump a acepta e renuncia di e embahador Mericano na ONU, Nikki Haley, segun e portal Axios. Informenan oficial ta indica cu Haley lo bandona su cargo na fin di aña.
Segun e dos fuentenan consulta pa e portal, Haley a papia cu Trump tocante su retiro siman pasa ora cu e tabata di bishita na White House. No obstante, e fecha exacto di su salida ainda no ta conoci.
Trump a anuncia cu e lo reuni Haley den e Oval Office pa 10 or y 30 di mainta (hora local). “Un anuncio grandi di parti di mi embahador Nikki Haley den e Oval Trump pa 10 or y 30″, segun e presidente a skirbi ariba su cuenta personal di Twitter.
Haley a ocupa e cargo di representante di Merca na ONU desde e yegada di Trump na poder na januari 2017. Desde 2011 te cu 2017 e tabata gobernador di South Carolina.
Haley di su banda, a indica cu sirbi como embahador di Merca na ONU tabata e honor mas grandi di su bida”, y el a declara cu p’awo e no sa na kico e lo dedica despues di bandona e cargo. Pero si el a confirma cu e lo apoya Trump como candidato presidencial na 2020.