E motibo principal di nan bishita tabata pa conoce Aruba y e Comunidad Brasilero residente asina como un reunion informal na Departamento di Relacion Exterior cu Sr. Edwin Abath y tambe Departamento di Maneho di Calamidad pa discuti y conoce e protocol den caso di un catastrofe y por divulga e modelo estableci na Aruba pa otro isla den su hurisdiccion. Nan a keda sumamente contento cu e plan presenta door di Sr. Rino Hermans tocante e tipico aki.
Tambe nan a laga sa pa esnan presente den e meeting cu a tuma lugar diasabra anochi den ballroom di HOTEL RIU PALACE, cu a habri nan porta pa esey por bira un realidad, cu for di awo e Consulado di Brasil na Aruba, Sr. CARLOS ANDRE AUGUSTO por brinda pa e comunidad di Brasilero na Aruba un mayoria cantidad di servicio cu antes solamente tabata posibel directamente na Embahada na Port of Spain, locual antes mester tin su gastonan envolvi cu air ticket, hotel e algun dia di trabou, awor por wordo brinda directamente na Aruba mes, entre otro:
– Renoba Passport di Brasil
– Registro di Nacimento
– Registro di Casamento
– Registro di Fayecimento
– Registro di Titulo Electoral
– Registro di Certificado Militar
Tur e documentonan menciona ta sigui wordo emiti na Embahada in Trinidad y Tobago, pero e tramite y tur conferencia di documento necesario pa cu esaki, asina como tur formulario ta bay ta disponibel na Aruba mes y e Consulado ta bay ta esun encarga pa e entrega di tur cos pa esnan cu solicita, di manera cu e gastonan envolvi ta bay reduci considerablemente compara cu antes door di evita un biahe te na Embahada mas proximo. Mas detayes di full e proceso ta den fase di Implantacion y por consulta directamente cu Consul na Aruba, via telefon celular: 5946001 of e-mail: [email protected]
Nan a keda encanta cu e amabilidad y cortesia brinda pa nan den su prome bishita y laga un DANKI special pa Sra. Eleisah Williams, di Departamento di Relacion Exterior cu a yuda cu tur e parti protocolar di e bishita aki, y tambe pa Milka Legger di Mattew’s Restaurant.