Pa falta di creatividad of algo di berdad, atrobe un aña prome eleccion, gobierno ta spart ‘Klinkers links en rechts’, net manera e la haci na 2013, pa laga un parti di e pueblo kere cu esaki ta bon gobernacion. Parce cu e parti di pueblo aki, a lubida cu gobierno a admiti den su ‘suppletoire begroting’ di december 2013, cu e la gana eleccion uzando fondonan publico. Pues un delito democratico hopi serio. Pero e parti di pueblo aki, ainda ta prefera pa mantene su wowonan bon cera pa miedo cu si e habri nan, e lo spanta ora e mira e desaster cu gobierno a causa. Un gobierno cu no a atene su mes na ningun palabracion, cu awendia su credibilidad ta ‘nul komma nul’, atrobe ta entrega un otro presupuesto ficticio yena cu medida y mentira como algo ‘realistico’. Diferente instancia ta zonando e alarma cu e situacion financiero ta empeorando, pero asina mes gobierno ta sigui derocha placa di pueblo.
‘Het onderzoek van de Algemene Rekenkamer wijst echter uit dat aan de afgesproken begrotingsnormen vooralsnog niet wordt voldaan. Ook het gepresenteerde meerjarig financieel kader WORDT EERST BIJGESTELD EN DAARNA ALSNOG OVERSCHREDEN..Het is belangrijk om het niet alleen bij afspraken te houden, maar om de gemaakte afspraken ook na te komen (Algemene Rekenkamer, 16 september 2015)’.
‘Door deze buitenlandse lening is de schuldquote gestegen van 80,1% BBP eind maart jl. naar 81,3% BBP per eind juni jl.. Het is van belang hierbij op te merken dat DE SCHULDQUOTE NAAR VERWACHTING VERDER ZAL OPLOPEN (CAft, Reactie op de tweede uitvoeringsrapportage 2016 Aruba, 26 augustus 2016)’.
‘Als gevolg van dit noemereffect en het tekort voor 2016 zal DE SCHULDQUOTE VERDER STIJGEN NAAR 83% BBP. Het CAft constateert echter dat de begroting van Aruba nog financiële risico’s kent die gedurende het begrotingsjaar nauwlettend gemonitord worden. Deze verplichtingen, in combinatie met de langlopende periode waarvoor de PPP-contracten worden afgesloten, leiden ertoe dat DE BESTEDINGSRUIMTE VAN DE OVERHEID VOOR EEN LANGE PERIODE AAN BANDEN WORDT GELEGD (CAft, Halfjaarrapportage januari 2016 – juni 2016, 19 september 2016)’.
Den su carta ‘Duurzaam houdbare overheidsfinanciën (15 mei 2014)’, gobierno tabata papia di un ‘schuldquote’ di 77,2% na 2016 y uno di 75,0% na 2017. En realidad e debe nacional a sigui crece. E diferencia entre loke gobierno a gaña pueblo cu’ne na 2014 y e realidad di 2016, ta 6% (240 miyon florin). Y manera gobierno, un aña prome eleccion y net manera e la haci na 2013, ta spart cu placa di pueblo riba proyectonan di campaña y coordinadornan, e ta e debe nacional lo bira otro aña mas grandi cu 83% BBP. Pues di cada florin gana, mas di 83 cen ta bay pa paga debe!
CONCLUSION:
Tur e medidanan tuma durante e ultimo añanan, tabata envano. E debe nacional a sigui explota y hasta a REDOBLA cu e aventura ‘CITGO’. Gobierno no a atene su mes na ningun palabracion, pa asina cuminsa sanea e situacion financiero di berdad y crea atrobe credibilidad y confiansa. E debe nacional no a baha pa 77,2%, manera gobierno a gaña pueblo, pero a subi te na 83%. Pues e buraco financiero a bira mas grandi. Y manera gobierno a hipoteca, bende y entrega casi tur cos caba di pueblo, tur e medidanan adicional lo bolbe wordo poni exclusivamente riba lomba di pueblo. Tambe e storia bunita cu nos ta tende di e parlamentarionan ‘Pabien’ cu e entradanan di e ‘Mehorador’ lo drecha e situacion financiero, ta un otro mentira pa tapa corupcion y entreguismo. E supuesto miyones cu gobierno lo haya di e ‘Mehorador’ otro aña, ta hopi mas chikito cu e 240 miyon cu locual e debe nacional a crece cu’ne. Pa no lubida cu te ainda ningun hende sa cuanto e aventura aki lo costa pueblo. Pues ken gobierno kier tuma haci atrobe, fuera di su grupito di fielnan, nos no sa. E declaracionnan y alarmanan di e instancianan ta papia pa nan mes. Pero asina mes, pa gobierno tur hende ta fout, menos gobierno. Gobierno a bolbe entrega un presupuesto di sigui malgasta placa ‘bay off’, pero ainda pa algun hende esaki ta ‘Bon Trabou’.