Elton Kock a cumpli 10 aña trahando na Post Aruba N.V.

Post Aruba a celebra 10 aña di servicio di Elton Kock den compania di famia y coleganan.

Elton a cuminsa traha na Post Aruba dia 4 di mei 2009 y ta eherce e funcion di besteller.

Elton ta un bon trahado, e ta hopi disciplina y dedica. E ta gusta su trabou y semper ta zorg pa su trabou ta “up to date” pa asina yuda crea un bon imagen pa e compania. Elton ta traha den e area di San Nicolas y e conose 6 di e 8 rutanan di e area aki. Den e ultimo 4 aña nan el a sa di demostra cu e tin hopi potencial pa sigui crece den e compania.

Post Aruba ta hopi orguyoso di Elton su trabou y ta gradici’e pa su 10 aña di servicio. Alabes nan ta desea Elton hopi exito den futuro cu su trabou na Post Aruba.

Pa informacion riba servicionan di Post Aruba, bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.

Comments

comments