E multimiyonario Mericano y propietario di red social X, Elon Musk, lo kier stop di uza su number di celular y uza unicamente e aplicacion di su empresa pa yamada den un futuro proximo, segun el a anuncia diabierna.
“Den algun luna, mi lo stop di uza mi number di telefon y solamente mi lo uza X a texto y yamada di audio/video,” el a publica riba red social.
Na juli 2023, Musk a anuncia su intencion di converti X den un “aplicacion pa tur cos.” Poco despues, e red social a anuncia lansamento di e funcion di yamada di audio y video tanto riba dispositivo mobil como riba PC. Aunke tur e cuentanan por ricibi yamada, solamente e abonadonan por haci nan, segun e website di e red. Di e manera aki, awo e usuarionan lo kier tin un cuenta di X y bira abonado di X Premium y asina por haci yamada, entre otro, n’e propio Musk.
No mester tin un number di telefon pa haci yamada riba X. Sinembargo, aunke e empresa ta ofrece un opcion denomina “privacidad di yamada mehora,” cu por activa den e ahustenan, si e funcion aki ta desabeled, e interlocutornan por mira e IP address di e otro persona.