Diasabra ,ultimo, 24 di September 2016, Quota Club Aruba cu e Projecto di Quota su campaña anual Siman di Kibra Silencio por wak atras ariba un siman super exitoso!
E aña aki atrobe, Quota club Aruba ta hopi agradecido na, SVB San Nicolas , Aruba Hearing Institute y Oduber & Kan cu a contibui y pone nan facilidanan y experticio disponibel pa un biaha mas, ofrece e testnan gratuitamente na pueblo en general.
Por a tuma nota cu na cada post tin nos Miembronan di QUOTA CLUB ARUBA, cu boluntariamente ta haci esaki na bienestar di nos comunidad. Tambe nos ta gradici tur instancianan cu semper ta contribui y coopera cu Quota Club Aruba.
Hasta un localidad a ofrece mas cita pa e siman venidero pa gratuitamente ofrece e testnan, debi na e interes cu tabata tin.
Evaluacion haci ta indica cu un promedio di 120 persona a haci uso di e oportunidad pa test nan oido.
Resultado en general no ta dje bon ey, lastimamente.
Mas cu mita di e clientenan, di un forma of otro tin problema cu nan oido.
Sra. Ivy Simon-Hernadez, Service Director conhuntamente cu Sra. Laurel Romijn representante di SVB San Nicolas, y miembro di Service Comittee , Sra . Mariela Nava-Figaroa, a presenta en breve e resultado di participantenan di e Siman di Kibra Silencio; en general e resultado na tres localidadnan cu a haci e testnan di oido durante di Siman Kibra Silencio ta constata cu tin un problema hopi serio cu e cuido di oido. Algun cifranan di e resultadonan duna na e diferente instancianan, ta alarmante y den un proximo comunicacion nos lo tin mas informacion specifico pa asina por haya un idea. Hasta tabata tin tin caso di un hoben porcierto basta jong di edad cu ya perdida di oido a wordo constata y cu ta indica mayornan tin cu ta mas conciente di nan yiunan pa esey! Den e categoria di hende grandi, zonido di trabou of constante cu ya a bira un custumber, tambe ta un factor grandi na e perdida di oido y bastante personanan lo tin cu bay uza un aparato pa nan oido.
Esey ta mustra cu ainda QUOTA Club di Aruba tin trabou pa haci pa concientisa nos comunidad y nos pueblo di Aruba cu e peliger di zonido duro y tambe zonido duro continuo, ta haci su efecto y tin resultado hopi negativo!!
Den evaluacion ta sali na cla tambe cu porcentahe di interes pa bin haci test di oido cerca e hobennan ta masha minimo.
Quota ta preocupa vooral, pa nos hobennan, pasobra mayoria no ta conciente cu sonido mucho duro pa tempo largo ta haci daño y hopi di nos hobennan ta gusta scucha musica demasiado duro sin realisa kico esey kiermen pa ora nan ta mas grandi. ”Hoben, Ta Bo Oido, Cuide”
Hobennan elogia: Denrick Wouters y Maria Victoria Acosta
Presente na e clausura tabata, tambe Nos dos hobennan, Maria Victoria Acosta y Denrick Wouters cu tabata nos caranan cu e mensahe pa nos hobennan riba nos Banner nobo.
Quota ta clausura e Siman di “Kibra Silencio” cu un toke especial pa duna elogio y aprecio na dos hoben, cu a contribui cu Quota su campaña y cual nos ta reconoce awe tambe e gran contribucion pa asina aporta na e campaña di concientisacion “Cuida Bo Oido.
Ya manera cu a ser menciona na comienso di nos campaña, durante di nos exitoso FunWalk, QUOTA Club di ARUBA ta hopi orguyoso di presenta nan bunita banner cu dos hoben como modelo , cu na un edad hopi jong den nan bida a enfrenta deficiencia auditiva y a acepta pa aporta pa e causa di Cuida Bo Oido.
Mayornan Conciente:
Na e ocasion aki, Sra. Gloria Vega, Mama di Maria Victoria Acosta y Sra. Liliana Wouters, mama di Denrick Wouters a hiba palabra, compartiendo e experiencia cu nan yiunan cu a haya nan mes cu e deficiencia auditiva na un cu nan a pasa aden.
Sra Gloria Vega, Mama di Maria Victoria a hiba palabra contando e storia pa esnan presente y su mensahe positivo ta pa mayornan, nunca no neglisha Bo yiu; tuma tempo, observa y no descurasha ora Bo jui tin un problema, sigui perserva pa Bo por brinda Bo yiu e oportunidad unico den bida, biba feliz, biba conciente cu Cuido di Oido.
Tambe Sra. Liliana Wouters, Mama di e hoben Denrick Wouters, ta conta e storia di su yiu, Denrick Wouters.
Specialmente, Derick cu ta for di chikito a haye confronta cu e experiencia di deficiencia auditivo.
Mama di Denrick, Sra. Liliana ta conta cu e nunca a give up y a sigi busca tur posibilidad pa su jui; pa Denrick, tambe tin e mesun oportunidad mescos cu tur otro mucha den bida y asina por desaroya su mes den un persona optimalmente: “mi a sigui perserva pa Denrick tin un bon futuro! Na unda e tambe por goza di tur cos cu loke bida ta ofrece, su enseñansa, su estudio, y su desaroyo personal como hoben den comunidad.”
QUOTA CLUB ARUBA, ta sumamente orguyoso y ta aprecia cu e Mayornan di ambos hobennan a comparti nan storia y tambe a duna permiso na QUOTA CLUB ARUBA pa comparti e storia na nos comunidad.
Un palabra di elogio y gradicimento na ambos mayornan cu a sa di tuma e interes y cuido atento y asina percura pa busca tur manera pa yuda nan dos yiunan, cada un cu nan caso individual y diferente, pero cu awe nan ta hobennan feliz y cu por celebra e hecho cu nan tin nan oido, gracias nan na mayoranan cu no a neglisha nan y haci hopi esfuerso pa e bienestar di nan yiunan.
Durante e celebracion aki, e mesun hoben Dendrick Wouters a presenta un tremendo show di salsa y hunto cu su pareha di baile, y nos por a gosa di un show di kita sombre.
Mester bisa cu ta ya for di chikito Denrick a contribui cu Quota, y ta riba Quota su brochurenan for di tempo e ta chikito te cu awor.
Maria Victoria Acosta y Denrick Wouters, y nan querida Sra. Mama a ricibi un regalo y un bunita recuerdo di Quota Club Aruba. Presentacion haci pa Sra. Ivy Simon-Hernandez, Service Director , Sra. Gwendeline van Trikt-Rojer, Presidente y miembronan di Quota Service Committee y miembronan di Quota Club Aruba presente.