ELN ta menasa dirigentenan opositor di estado Tachira

E grupo gueriyero a dirigi su mes na 11 dirigente opositor y un pastoor di e municipio Junin, di estado Tachira, cu e advertencia cu nan y nan famia lo wordo sentencia na morto si nan acudi na e marcha convoca pa e presidente di Asamblea Nacional a haci.

Al estilo “camisanan bruin”di e SS Nazi contra di negoshi y oficina di profesionalnan hudiu den e Alemania di 1938, 12 cas a manece marca cu “+ ELN” y un pamflet di Ehercito di Liberacion Nacional (ELN). No tabata tin mester di mas splicacion. E ta un menasa contra di 11 dirigente opositor y un pastoor di e municipio Junin, di estado Tachira, cu e advertencia di cu nan y nan famia ta sentencia na morto si nan asisti na e marcha convoca pa e presidente di e Asamblea Nacional, Juan Guaidó, pa dia 1 di mei.

Desde 2014, tempo cu e protestanan opositor na Venezuela a inclui ceramento di caminda, kimamento di taira, confrontacionnan cu Guardia Nacional y incluso morto y heridonan, e region di e pais cu mas exito tabata tin cu e manifestacionnan aki tabata e poblacion fronteriso di Tachira, cual capital ta situa na 800 km di Caracas. For di e tempo ey, habitantenan di e region Andino aki, e “Gocho” a bira e referencia mas fuerte di resistencia.
De Rubio ta e capital di e municipio y Laidy Gomez ta e actual gobernador. Un di e diputadonan di e Asamblea Constituyente, María Gabriela Vega, tambe ta di e region aki. Tachira ta luga di nacemento tambe di e fayecido y dos biaha presidente di e pais, Carlos Andres Perez, como tambe Leonardo Ruiz Pineda, un di e lidernan mas destaca contra di e dictadura di Marcos Perez Jimenez.
E diputado di e Asamblea Naciona, Franklin Duarte, ta un di e parlamentarionan mas frontal contra di e gobierno y e ta ariba e lsita di e esunnan bou menasa. E tambe ta procedente di Rubio.
E marcanan di ELN a yega tambe na e misa “Santa Lucia”, den e sector Santa Barbara di Rubio, cotnra di e pastoor Richard Garcia. Otro cu ta bou di menasa ta Mariela Betancourt, un profesor y activista den defensa di e derechonan humano di e ciudadanonan, di e Frente Amplio y di e partido Accion Democratica. Jacson Carillo, kende tabata candidato di oposicion den e ultimo eleccionnan municipal y ta un profesor.

Y asina e lista ta sigui. Tur esunnan menasa, ta personanan activo den protestanan contra di gobierno, activistanan y dirigentenan opositor.

Comments

comments