BOGOTA, Colombia- E hefe di delegacion cu ta negocia cu ELN tocante paz, ta haya e secuestro di Derk Bolt y Eugenio Follender algo “hopi lamentabel”. E dos periodistanan ta bin di paisnna cu ta yuda e proceso di paz cu e movimento terorista.
Esaki Juan Camilo Restrep a bisa diaranson anochi na e station di radio W Radio na Colombia.
Restrepo a bisa cu ELN a daña su credibilidad door di mantene su mes na secuestro como arma di guerra y a yama pa e liberacion inmediato di e presentador di e programa Spoorloos y su camarografo.
Diahuebs ELN a bisa cu e lo laga e periodistanan den libertad, cu nan lo bin cu’n comunicado. ELN y e gobierno di Colombia ta den negociacion na Quito tocante paz, cu apoyo di Hulanda e.o.
Mientras tanto, autoridadnan lo ta trahando na e liberacion di Bolt y Follender y ehercito Colombiano a stop cu nan actividadnan den e area caminda cu e Hulandesnan a wordo secuestra.
Un delegacion di funcionarionan di gobierno, representantenan di Iglesia Catolico y Cruz Cora lo busca e Hulandesnan. Al menos esey ta e idea.
Door cu e area ta dificilmente transitabel y no tin conexion telefonico, no ta mucho cla ainda ki dia esey lo tuma luga.
Fuente: www.anp.nl