Alberto Koolman director di Elmar ta haci peticion tocante cendemento di Klapchi. Pa hopi aña caba ta experenciando cu hende ta cende flowerbed y no ta tene cuenta cu e liña nan di alto tension. Tin chens cu nan ta cay anto esey ta trece peliger cu ne, pesey Elmar ta duna conseho y cu prome cu cende flowerbed wak prome cu no tin niun liña di Elmar na halto y cu si tin, hala e waya prome cu cende e flowerbed.
Pa di dos si waya cay mes tin pager pa page trahado nan di Elmar pero lo tarda paso mester busca e truck y material pa sali bay na e sitio pa por reestablece e coriente bek. E peliger cu por tin ta cu e waya por bin abao y fius por bula, chens cu e waya por cay riba hende, evita cende flowerbeds bao liña di Elmar.
Den futuro lo duna conseho na bendedor nan di klapchi tocante unda y con pa cende klapchi. Evita peliger no habri flowerbed bao kabel di Elmar.
Habri’e na un lugar habri. Hopi biaha mucha nan ta tira klapchi cerca di palo di luz, ora e klapchi cai den yerba rond di e palo di luz ta pone tur cos hasta e kabel nan na e palo di luz lo pega candela, no tira klapchi caminda tin yerba seco y tampoco bao liña di alto tension.