ELMAR ta responsabel pa transmision y distribucion di coriente na Aruba. Recien, nos a realisa un trabou di mantencion riba tapchanger, un aparato vital di transmision di coriente.
E tapchanger ta controla e voltahe di coriente pa mantene na e nivel desea, y asina sigura cu nos power transformer ta opera sin problema. E trabou di mantencion aki ta crucial pa mantene e suministro di coriente confiabel den henter Aruba.
Nos Team di Underground Cables ta responsabel pa e trabou di mantencion aki. E tecniconan cu a ehecuta e trabou tabata Kabelmonteur A Glenford Gray, y Sonny Mercera y Arnold Malmberg, ambos Operator Zwaar Material, conhuntamente cu Machine Reinhaussen Brasil.
Aña pasa nos a finalisa trabounan similar na nos onderstationnan na Pos Abou, Tanki Leendert y Paardenbaai. E aña aki, nos a realisa e trabou aki na nos onderstationnan na San Nicolas y Balashi. Di e forma aki, continuamente siguiendo nos meerjarenplan di trabou di mantencion.
ELMAR trahando incansabel pa brinda energia cu ta uni nos isla.
