Diaranson pa mas of menos 8:00pm a presenta un fayo den e red di distribucion di NV Elmar, cu a causa cu un parti di Tanki Leendert a keda sin suministro di coriente. Mesora tecniconan di nos compania nacional di distribucion di coriente a subi caya pa atende cu e fayo.
A descubri cu tabatin un “Hoogspanning cut out” cu a kima, cu consecuencia cu e sistema di siguridad ta limita distribucion normal den e vecindario directo, cu ta yega te na altura di e rotonde di Tanki Flip.
Anualmente NV Elmar ta inverti un suma cuantioso den mantencion di su red. Esaki ta inclui entre otro cu ta reemplasando e kabelnan bieu pa sistema moderno, cu ta garantisa distribucion di calidad superior. Asina mes, semper un “fuse” of otro artefacto electronico por kima.
Den mey ora di tempo tur cliente a ricibi coriente bek y a normalisa e suministro riba e red di NV Elmar. Ta pidi disculpa pa cualkier inconveniencia cu e interupcion cortico aki por a causa.
Keda bon informa di tur informacion, avisonan y interupcion di coriente, dor di “like” e pagina di Facebook di NV Elmar.