N.V. Elmar kier informa su clientenan cu recientemente tabata tin dos interupcion di coriente. Diaranson mainta, 31 di maart tabata tin un storing den un parti di e area di Nassaustraat pa motibo di fayo tecnico di ekipo di voltahe halto.
Diaranson mainta, 31 di Maart, tabata tin un otro storing na The Palm Island pa motibo di fayo riba kabel di voltahe halto.
Tecniconan a mobilisa rapidamente pa investiga y a haci trabaonan necesario pa logra reanuda suministracion di coriente pa ambos area afecta. N.V. Elmar ta pidi disculpa pa cualkier inconveniencia cu esaki por a causa. Nos ta gradici tur cliente afecta pa e comprension y ta sigui haci nos maximo esfuerso pa mantene comunidad informa riba suministracion di coriente.