Vocero di Polis, Sr. Lito Lacle a expresa cu nan ta considera necesario stop di bende cerbes di boter pa evita cu lo por wordo uza pa actonan di violencia durante e paradanan di carnaval cu lo a yega di sosode caba, unda cu boternan lo tabata bula manera proyectil anto dilanti di tur e carnavalistanan. Esaki ta sosode tambe dilanti medionan local y internacional y tambe turistanan cu lo no ta suppose di wak cosnan aki sosode den Aruba su carnaval.
Sr. Lito Lacle a splica cu binti aña pasa e companianan di cerbes tabata bende cerbes solamente bleki, durante carnaval. E tempo ey, Aruba no tabata tin e problema cu e bulamento di boternan di cerbes tur caminda rond di e paradanan, locual ta hopi peligroso y e ta castigabel pa ley tambe, actonan di violencia y desordo den luga publico.
E bebemento di cerbes durante paradanan di mucha, e alcohol cu bo ta wak gruponan ta pasa bo dilanti y hasta mironesnan, y muchanan di 5 pa 8 pa 12 aña, ta wak e mayornan ta bebe cerbes y alcohol. Esey ta locual cu e mucha ta siña di carnaval y e no ta e miho ehempel
cu nan ta haya.
Tambe mester bin un apelacion cu e mayornan pa respeta e paradanan di mucha, cu abstencion di bebida alcoholico, mas tanto esun cu ta compaña e muchanan pa den, ya cu
e parada lo ta pa e mucha disfruta, y e parada lo ta djis un rato , anto si un hende no por stop di bebe pa un par di horanan, e ora lo por tin problema serio cu alcohol.
Finalmente Sr. Lacle a bisa cu mester sinta bek na e mesa y evalua con a bay durante e aña cu e paradanan di carnaval, cuminsando na Februari manera e la caba sinta den cayente traha un lista y haci aspraak pa e proximo aña di kico lo mester pone atencion riba dje, of coregi.
Esaki ta puntonan cu ta keda bin dilanti, pa cual Sr. Lacle a bisa cu lo mester bay bek na mesa y evalua na wak con e aña a bay y cuminsa tuma medida caba. E puntonan e ora ainda ta fresco den bo cabes y asina por yega na afspraak pa e otro aña, p.e. alcohol den bleki enbes di boter, segun vocero policial, Sr. Lito Lacle.