WILLEMSTAD- E grupo di 12 lidera pa Sr. Gerrit Schotte a anuncia cu nan lo no stroba e proceso electoral di dia 28 di April 2017, por lo tanto eleccionnan lo sigui normal.
Esaki a keda anuncia awe tardi den un conferencia di prensa, caminda cu e mayoria den parlamento, MFK, KdNT, MP, PS y e dos independientenan a anuncia cu nan lo no bringa esaki mas.
Nan a enfatiza cu nan no ta contra di eleccion pero ta considera cu e hecho cu a disolve parlamento y a yama pa eleccionnan nobo den pura, tabata innecesario. Esaki pa motibo cu tabata tin un mayoria den parlamento cu tabata dispuesto pa sigui goberna e pais. Tur diesdos awo ta di acuerdo cu e pueblo di Corsou lo mester haya e oportunidad di vocifera nan disgusto contra di capitalismo cu tin Corsou den su garanan.