Eleccion Miss Venezuela celebra sin briyo ni rikesa

CARACAS, Venezuela- Despues di un aña largo y duro, diahuebs anochi a celebra otro edicion di Miss Venezuela, caminda cu e representante di Portuguesa, Isabella Rodriguez, a keda corona como e reina di beyesa Venezolano.

E asina yama ‘La noche más linda de Venezuela’, cu mester a supera mas di un obstaculo pa falta di presupuesto, a wordo celebra den un ceremonia austero, sin e briyo y e opulencia cu cual hopi hende a custumbra den e era di e zar di beyesa, Osmel Sousa.

Esaki ta e prome Miss Venezuela den e era post Osmel Sousa, e criticanan pa cu e ceremonia a yena e rednan social, unda cu usarionan cu tabata rechasa e jornada, como tambe e criticanan na e shimisnan, y tambe e falta di cantante y representante internacional.

Isabella Rodríguez, cu durante e entrevistanan anterior, a manifesta su soño di conkista e corona pa comberti su mes den un modelo pa e muchanan di Petare, un di e barionan mas pober di estado Miranda unda cu ta biba.

“For di Petare pa mundo henter”, el a señala durante su discurso breve.

 

Incluso e corona no a wordo entrega door di su predecesor, Sthefany Gutiérrez, kende actualmente ta competiendo den e concurso di Miss Universo.

Cu e organisadonan buscando manera pa reduci gasto, e di 65 edicion di e concurso a move for di su cas historico (Poliedro de Caracas), cu capacidad di 20 mil persona pa un studio di television cu capacidad di 200 persona (Venevision).

Comments

comments